O 14 de xuño tivemos a oportunidade de realizar unha visita moi especial ao CEIP Eduardo Pondal de Ponteceso como parte do proxecto Praias libres de Plásticos de limpocean, unha iniciativa subvencionada pola Deputación da Coruña que promove a educación ambiental e a sustentabilidade.
Cinco charlas para xerar conciencia ambiental
Durante a nosa visita, impartimos cinco charlas interactivas dirixidas aos alumnos de 3, 4 e 5 anos, así como aos estudantes de 2ºA e 2ºB de primaria. Estas sesións estiveron enfocadas en temas clave como:
- A problemática do plástico nos océanos.
- Que son os plásticos e como se converten en residuos.
- A regla das 3R: Reducir, Reutilizar y Reciclar.
- A importancia de manter as nosas praias limpas para protexer os ecosistemas mariños.
Ademais de compartir coñecementos, analizamos xunto aos nenos unha selección de obxectos atopados na praia, tanto naturais como residuos, aprendendo a diferencialos e a reflexionar sobre o seu impacto no medio ambiente.
Diversión e aprendizaxe garantizados
O mellor da xornada foi a participación activa dos pequenos. Coa súa curiosidade e entusiasmo, transformaron as charlas en experiencias dinámicas e enriquecedoras para todos. Divertímonos moitísimo mentres aprendiamos xuntos sobre como coidar o planeta e protexer os nosos océanos.
Un paso máis cara un futuro sostible
Desde limpocean agradecemos ao CEIP Eduardo Pondal por acollernos e permitirnos compartir este tempo cos seus estudantes. Estas actividades lémbrannos a importancia de educar ás novas xeracións, quen ten o poder de marcar a diferenza na loita contra a contaminación e na preservación da natureza.
Seguimos traballando con ilusión no proxecto Praias Limpas de Plásticos, levando conciencia ambiental a máis colexios, comunidades e praias, co obxectivo de lograr océanos máis limpos e un futuro máis sostible.
Grazas a todas as profesoras por confiar para esta experiencia con limpocean!
