O sábado achegámonos á Praia de Sabón para facer unha limpeza limpocean. Esta limpeza, que era para facer a semana pasada, tivémola que pospoñer porque o tempo en Galicia xa sabedes como é, pero valeu a pena. 77kg menos nesta marabillosa praia 🌊
Unha mañá espléndida, con sol ☀️ nesta praia do concello de Arteixo, na provincia da Coruña. Aos poucos foron chegando todxs lxs voluntarixs cun sorriso e enerxía que non podemos describir. Xente adulta, adolescentes, niñxs, conocidxs…. todos preparados para realizar unha limpeza limpocean.
Como é costume, antes de que chegasen os limpocean Warriors, fixemos unha pequena inspección para ver onde había máis residuos e como dividirnos (sempre facemos inspeccións antes de facer unha convocatoria para saber o estado das praias, unha semana, días antes e previa á limpeza). A verdade é que nos atopamos a praia un pouco máis limpa de como estaba días antes, ou iso criamos, pero a acción da marea e o vento dos días previos, simplemente cambiounos de sitio e enterrou un pouco máis os plásticos e residuos.
Despois da charla previa sobre o problema dos plásticos nos océanos e como nos afecta, puxémonos ao choio. Dividímonos en 2 grupos e a limpar. Fixamos sobre 1 hora de limpeza, ao final foi un pouco máis, para volver reunirnos e ver todo o que recollemos. Antes da selección e clasificación, pesamos todo. O resultado…..77kg de plásticos e residuos 😱. E nós pensando que había pouco ao principio.
Atopamos absolutamente de todo; papeis azuis que parecían confeti dunha celebración, unha chea de bolsas de excrementos de 🐕 (si si na area e nas dunas), botellas de todo tipo, tapóns, parte dunha boneca……
O mellor da xornada, o tempo que pasamos todxs juntxs durante esta limpeza. Sempre se aprende algo novo dos demais.
Queremos agradecer a todxs lxs que vos achegastes o sábado para achegar o voso gran de area 🌱
Esta actividade realizámola dentro do proxecto limpocean de Praias libres de Plásticos que está subvencionada pola Deputación da Coruña.
