Que xornada máis marabillosa a de onte en Sardiñeiro no municipio de Fisterra. Estivemos no CEIP Areouta e pasámolo tremendamente ben con todo o alumnado.
Primeiro falamos un pouco sobre a problemática dos plásticos nos océanos e praias ♻️, tocamos e ensinamos algunhas das cousiñas que nos gusta atopar e outras que non nas nosas costas. Tras a breve charla puxémonos ao choio e realizamos unha espectacular limpeza na praia de Sardiñeiro (que é preciosa para os que non a coñecedes). 160 kg de residuos que sacamos en 45 min! Unha barbaridade a cantidade de lixo, plásticos de todo tipo e residuos que un se pode atopar. Alucinante como están de comprometidos estes nenos. Eles si que son uns auténticos #limpoceanWarriors!
Dar grazas ao CEIP Areouta por recibirnos tan ben e por eses alumnos tan riquiños que teñen, tamén a todos os pais, nais e acompañantes que botaron unha man e a Di Pataca por axudarnos neste día espectacular.
Esta xornada está enmarcada no noso proxecto Limpocean de Praias libres de Plásticos subvencionado pola Deputación da Coruña.
