Educación e actuación ambiental no colexio A Grande Obra de Atocha

A semana posterior ao Día Mundial do Medio continuamos realizamos tres charlas dirixidas ao alumnado de terceiro de primaria, nas que participaron un total de 62 alumnos e alumnas do colexio A Grande Obra de Atoca. Estas actividades encádranse dentro do noso proxecto A Costa da Coruña Limpa de Plásticos e que conta co apoio da Deputación da Coruña.
Durante as sesións abordamos a problemática da contaminación por plásticos, o impacto dos microplásticos nos océanos e a importancia dos pequenos xestos cotiáns para protexer o planeta. O que máis nos sorprendeu foi a implicación do alumnado: participaron activamente, fixeron preguntas moi interesantes e demostraron unha gran concienciación ambiental a pesar da súa curta idade.
Pero a experiencia non terminou na aula.
Poucos días despois trasladámonos á praia de San Amaro, unha praia urbana protexida da fortes ondadas, para levar a cabo unha xornada de limpeza. Alí conseguimos recoller case 20 quilos de residuos, contribuíndo á conservación desta contorna natural tan valioso para a cidade.
Estas xornadas lémbrannos que a educación ambiental é unha ferramenta poderosa cando vai acompañada de acción. Queremos agradecer especialmente ao equipo docente e ao alumnado do colexio polo seu entusiasmo, compromiso e enerxía. Sen dúbida, compartimos uns días marabillosos cunha comunidade educativa que é, simplemente, top!
Seguimos traballando para que a concienciación transfórmese en acción e para que cada vez máis novas convértanse en axentes activos do cambio.